پورے پاکستان اچ 15 مارچ کوں ’’یومِ تحفظِ ناموسِ رسالت‘‘ مناوݨ دا فیصلہ، وزارتِ مذہبی امور وفاقی وزارتاں، اداریاں، صوبائی سیکرٹریز مذہبی امور تے اوقاف، جید علماء کرام تے مدارس دی تنظیماں کوں خطوط بھیج ݙتے

اسلام آباد۔ 1 مارچ (اے پی پی) وفاقی وزارتِ مذہبی امور تے بین المذاہب ہم آہنگی توہین آمیز مواد دے سدِ باب تے عوامی آگاہی کیتے پورے ملک اچ بشمول آزاد جموں تے کشمیر تے گلگت بلتستان اچ سرکاری طور تے 15 مارچ کوں ’’یومِ تحفظِ ناموسِ رسالت‘‘ مناوݨ دا فیصلہ کیتے۔ وزارتِ مذہبی امور ولوں اے ݙینہہ بھرپور انداز نال مناوݨ کیتے ساری صوبائی حکومتاں، متعلقہ وفاقی وزارتاں تے ذیلی اداریاں کوں باقاعدہ مراسلے بھیج ݙتے ڳئن۔ اے فیصلہ لاہور ہائیکورٹ راولپنڈی بنچ دے ایں تاریخی حکم دی تعمیل اچ کیتا ڳئے جیندے اچ سوشل میڈیا تے ٻئے پلیٹ فارمز تے موجود متنازع تے توہین آمیز مواد دی روک تھام کیتے ٹھوس اقدامات دی ہدایت کیتی ڳئی ہئی۔